.

Hi Charles,

I am visiting your blog site at regular intervals that was so nicely
narrated on your direction way..and it’s so interested to read.
recently i saw the film “I am Sam(2001)” I think it’s similar to the
upcoming movie Actor vikram and Director Vijay’s “Theiva
thirumagan(l)” i attached the movie torrent File of the I am Sam movie
if possible watch this movie and narrate the story on your director
point of view.. the movie details are available in the below links i
think it may be useful for you..Thank you !

http://www.imdb.com/title/tt0277027/  — Rating 7.4 / 10
http://en.wikipedia.org/wiki/I_Am_Sam

P B MURALIKRISHNAN

“If you want something you never had,do something you have never done!”
(இதுவரை பெறாததைப் பெற,இதுவரை புரியாததைப் புரிவாயாக!)

.

அன்புள்ள முரளி கிருஷ்ணன்

என்னுடைய கட்டுரைகள் உங்களுக்குப் பிடித்திருப்பது மகிழ்ச்சியளிக்கிறது. நன்றி
.
மீண்டும் தீவிரமாக ப்ளாக் எழுதுவதா இல்லையா என்று நான் இன்னும் முடிவெடுக்கவில்லை. கடைசியாக “குமுதம்” “என் விகடன்” என்ற தலைப்புகளில் எழுதியவை தீவிரமான கட்டுரைகள் அல்ல, மேலோட்டமான அனுபவப் பகிர்வுகள் தான்.
.
இப்போது ஒரு தமிழ்ப்படம் எடுக்கப்படும் போதே அது எந்தப் படத்தின் காப்பி என்று ஆராய்ந்து பதிவெழுதுவது ஒரு வழக்கமாகிவிட்டது. ஆனால் தமிழ் சினிமா ஆரம்ப காலத்திலிருந்தே நிறைய வேற்று மொழிப்படங்களின் இன்ஸ்பிரேஷனை எடுத்துக்கொண்டு தான் இயங்கியிருக்கிறது. ஆனால் அப்போது, சண்டைப் படங்கள் தவிர்த்து ஏனைய வேற்று சினிமாக்களைப் பார்த்தவர்கள் சினிமா ஆர்வலர்கள் மட்டும்தான். அவர்கள் எண்ணிக்கையில் மிகக் குறைவானவர்களே. ஆகையால் அவர்களுக்குள் மட்டுமே ‘இது இன்ன படத்தின் தழுவல்’ என்கிற பேச்சு நிலவும். திரைப்பட நிறுவனங்கள், கதாசிரியர்களின் சபைகள், திரைப்படக் கல்லூரி போன்றவற்றில் எப்போதும் அரட்டைகள் இதைச் சூழ்ந்துதான் இருக்கும். பழைய தமிழ்ப்படங்களின் கதைகளே மீண்டும் மீண்டும் எப்படியெல்லாம் உருமாறி வந்து வெற்றி பெற்றிருக்கின்றன, ராமாயணம் மகாபாரதம் பஞ்சதந்திரம் விக்ரமாதித்தன் கதைகள், வரலாற்று சம்பவங்கள் எல்லாம் எப்படி சினிமா கதைகளாகியிருக்கின்றன என்கிற தகவல்களை மூத்த கலைஞர்கள் எப்போதும் சொல்வதுண்டு.
.
இந்த நூற்றாண்டின் ஆரம்பத்திலிருந்து டிவிடி, இணையம் போன்ற தொழில்நுட்பப் புரட்சி காரணமாக இந்த அரட்டை பொதுவெளியில் பெரும்பாலானவர்களால் விவாதிக்கப்படும் ஒன்றாக ஆகியிருக்கிறது. இது நல்லது என்றே நான் நினைக்கிறேன். இதைப் பற்றி நான் ‘நல்லவன் கெட்டவன் அசிங்கமானவன் -2‘ என்ற பதிவில் கூட எழுதியிருக்கிறேன்.
.
ஆனால் ஒரு படம் எத்தனை தூரம் ‘காப்பி’ என்று தூற்றப்பட்டாலும் அதன் வியாபாரத்தையோ மக்களின் ரசனையையோ அது பாதிப்பதில்லை என்றே நினைக்கிறேன். ‘தெய்வத்திருமகள்’ இயக்குனரின் முந்தைய படமான ‘மதராஸபட்டிணம்’ அதற்கு மிகச் சிறந்த உதாரணம். மக்களுக்கு ஒரு படம் பிடித்துப்போனால் மற்றவற்றைப் பற்றி அவ்வளவாகக் கண்டுகொள்ள மாட்டார்கள். இணைய ‘விமர்சகர்கள்’ கூட அந்தப் படத்தைப் பொதுவாகப் பாராட்டவே செய்தார்கள் என்று நினைக்கிறேன். அதற்கு விருது கிடைக்கவில்லையே என்று வருந்தியவர்களும் உண்டு.
.
தமிழகத்தின் பட்டி தொட்டி மக்களுக்கெல்லாம் தெரிந்த ஒரு ஆங்கிலப் படம் ‘டைட்டானிக்’, தமிழில் டப்பிங் செய்யப்பட்டும் பெருவெற்றி பெற்றது. அந்த கதைக்கும் இந்தப் படத்துக்கும் என்ன தொடர்பென்று சொல்ல வேண்டியதில்லை. அதிலும் படகிலிருந்து நாயகனின் கையை நாயகி எடுத்துவிடும் இடம் ஒரு ‘பேரடி’ (Parody) போலவே இருந்தது, திரையரங்கில் நான் சிரித்தேவிட்டேன். மேலும் இந்தியா முழுமையும் கவணித்த ஒரு படம் ‘லகான்’. இந்தியாவின் ஆகச் சிறந்த படங்களில் ஒன்று என்பதாலும், ஆஸ்கார் விருதைத் தொட்டுவிடும் தூரத்திற்குச் சென்றதாலும் அதைப் பார்க்காத இளைஞர்கள் மிகக் குறைவு. அந்தப் படத்துக்கும் இந்தப் படத்துக்கும் என்ன தொடர்பென்றும் நான் சொல்ல வேண்டியதில்லை. உடைகள் கூட அப்படியே இருந்தன. தமிழகத்தில் 1940களில் இப்படித்தான் உடுத்தினார்கள் என்று நான் நினைக்கவில்லை. ஒரு முக்கியக் காட்சியில் சுதந்திர தினத்தன்று நடப்பதாக சொல்லப்படுவதிலும் வரலாற்றுத் தகவல் பிழைகள் உண்டு (அதற்குப் பல வருடங்கள் முன்பு இறந்துபோன ஒரு தலைவர் அன்று ரயிலில் வந்து இறங்கியதாக வசனம் வருகிறது)
.
நான் மதராஸபட்டிணத்தை முதல் நாள் காலைக் காட்சியே பார்த்தேன். அதற்கு முந்தினம் பிரிவியூ-வில் பார்த்த பலரும் எதிர்மறையாகவே சொன்னார்கள். ஆனால் எனக்கும் என்னுடன் பார்த்த நண்பர்களுக்கும் படம் பிடித்தே இருந்தது. நிச்சயம் நன்றாக ஓடும் என்றே நினைத்தோம். ‘பழைய சென்னை’ என்கிற புதிய அம்சம் அபாரமாக அமைந்திருந்தது. அதோடு ‘எமி ஜாக்ஸன்’ என்கிற தேவதை. படத்தின் இறுதிக் காட்சி, எந்தப் பிரம்மாண்டமோ நாயகன் நாயகியோ கூட இல்லாமல் ஒரு வெள்ளைக்கார கிழவியை வைத்தே உள்ளத்தைத் தொடும்படி எடுக்கப்பட்ட விதம், எல்லாம் சேர்ந்து அற்புதமான திருப்தியைக் கொடுத்தன.
.
அது போலவே தெய்வத்திருமகளிலும் எதிர்பாராத அற்புதங்கள் இருக்கும் என்று நம்புவோம்.
.
மேலும், எனக்கு அவ்வப்போது பின்னூட்டத்திலும் இமெயிலிலும் சில படங்களின் பெயர்களைச் சொல்லி அதைப் பற்றி எழுதுங்கள் என்று கேட்கப்படுவதுண்டு. நான் ரிவியூ பாணியில் விமர்சனம் எழுதுவதில்லை. அதாவது ஒரு குறிப்பிட்ட படத்தைப் பற்றி நான் எழுதுவதற்கு நான் அதைப் பார்த்துவிட்டேன் என்பது மட்டுமே போதுமான காரணம் அல்ல. எனக்குச் சொல்ல வேறு ஏதாவது இருந்தால் மட்டுமே ஒரு படத்தைப் பற்றி எழுதுவது வழக்கம்.
.
நன்றி
சார்லஸ்
.
.

அன்புள்ள சார்லஸ் அவர்களுக்கு !

தங்களுடைய பதிலுக்கு நன்றி ! எல்லா புதிய படங்களுமே எதாவது ஒரு பழைய படத்தின் பதிப்பக தான் இருக்கும் நான் அதை ஒத்து கொள்கிறேன். இந்த டைரக்டர் பாணியில் இந்த படம் மிகவும் வித்தியாசமாகவும் இசை மிகவும் உணர்ச்சி வசப்படக்கூடிய படமாகவும் தமிழ் சினிமாவில் இது மிகவும் பேசப்படும் ! தங்களுடைய பதிலுக்கு   மீண்டும் ஒரு முறை நன்றி !
அன்புடன் !

முரளி கிருஷ்ணன்

“If you want something you never had,do something you have never done!”
(இதுவரை பெறாததைப் பெற,இதுவரை புரியாததைப் புரிவாயாக!)

.

.

அன்புள்ள முரளி கிருஷ்ணன்
.
‘எல்லா புதிய படமும் ஏதாவது ஒரு பழைய படத்தின் பாதிப்பாகத்தான் இருக்கும்’ என்று நீங்கள் சொல்வதை நான் ஏற்றுக்கொள்ள மாட்டேன். நான் அப்படிச் சொல்லவில்லை. வேற்றுமொழிப் படங்களின் பாதிப்பால் உருவான தமிழ்ப் படங்கள் எல்லாக் காலத்திலும் வந்திருக்கின்றன என்று தான் நான் சொன்னேன். இரண்டுக்கும் வித்தியாசம் புரியும் என்று நினைக்கிறேன்.
.
நீங்கள் சொல்வதை இன்னொரு அர்த்தத்தில், ‘எந்தப் புதிய படமும் சுயமாகத் தோன்றிவிட முடியாது, எதுவும் வானத்திலிருந்து நேரே குதிப்பதில்லை, ஒன்றிலிருந்துதான் இன்னொன்று உருவாக முடியும்’ என்று புரிந்துகொண்டால், அதை நான் ஆமோதிக்கிறேன்.
.
சார்லஸ்.
.
.
Dear Charles !
i accept anything can be newly created it’s been created already it’s differs on each person view and created a another version of the older on !
Thanks !

P B MURALIKRISHNAN

“If you want something you never had,do something you have never done!”
(இதுவரை பெறாததைப் பெற,இதுவரை புரியாததைப் புரிவாயாக!)

 

 

 

 

 

 

Advertisements